SKULE og SFO

Måndagsmorgonen er det skulen som inntek det meste av huset, både i kjellaren og oppe og i løpet av dagen var også 1.klasse i bassenget saman med Torje Bjørneseth for å lære seg å symje.

Gruppe 1 brukte ogsÃ¥ kulden som vi har for tida til Ã¥ lage isskulpturar pÃ¥ uteomrÃ¥det til  grendahuset / skulen.

Når skuledagen er over klokka 14.30 går nokon heim, andre tek bussen , nokre vert henta og resten går på SFO som held til i kjellaren på grendahuset. Der er det Tone og Guro som er sjefar og i dag var det 14 born som var der. Her er det måltid og leik som står i fokus og i dag leika nokre med lego medan ei gruppe var i gymsalen og dansa.

Måltid på SFO

KORPSØVING

Velledalen skulekorps som dette året vert 50 år spelar saman med Straumshorn juniorkorps og dei er omlag 25 musikantar i alderen 10 til 17 år. Dette året prøver dei med ei øving i veka, i staden for to som har vore vanleg i mange år. Dei øver måndagane frå 17.30 - 20.30 og no i vårhalvåret øver dei på grendahuset.

I kveld var det 20 musikantar og dirigent Jan Eldar Lyngvær som øvde på ulike musikkstykker.

Korpset skal ha jubileumskonsert på grendahuset den 27.april og til den tid er det mykje som skal øvast inn. Dei skal også ha øvingshelg på Fjellsætra før den tid. Til sommaren planlegg dei jubileumstur til utlandet.

Engasjert dirigent Jan Eldar Lyngvær

SYMJEHALLEN

Måndag er det fyrst ope for alle mellom kl.18 og 19, før damene får tilgang aleine fram til kl.20.00. Det var ikkje så mange besøkande i dag, og badevakt Hans Olof Holmberg hadde ein roleg dag på " jobb ".

Symjhallen har i samarbeid med Velledalen Idrettslag starta opp med vassgymnastikk for damer kvar måndag kl.20.15. Dette er eit ganske nytt tilbod og antal damer aukar jamt og trutt og her er damer frå mange stader i bygda. Dei vert leia av Kari Bente Bjørkavåg, ei driftig dame som har 19 års erfaring med slik aktivitet i vatn. Når nettsida var innom var stemninga god og innsatsen på topp og dei tek gjerne imot fleire, det er berre å møte opp.