ØVINGSHELG

Denne helga har det vore øvingshelg pÃ¥ huset og dei som øvde denne helga var Eidsdal Musikkorps. Dei har vore her fleire gongar før og fredag inntok dei huset med alt dei  " eigde ".  Korpset har omlag 20 medlemmar og desse kjem frÃ¥ Eidsdal, Norddal og Geiranger. NÃ¥r nettsida var innom i 12-tida i dag var det opprydding og dei skulle gjere seg klare til avreise.

Desse to jentene som begge vart 15 år i dag, Åshill Rønneberg og Joel Kous kunne fortelje at det hadde vore ei kjekk helg, og at dei ikkje hadde sove so mykje fordi lufta reiste ut av madrassene deira. Det sosiale er kjekkast med å spele i korps meinte dei og innimellom øvinga hadde det vore mykje sosialt. Dei hadde også leigd symjehallen denne helga so ein del av dei hadde vore der å bada.

Vi ynskjer dei lukke til med Michael Jackson konserten deira og håper dei har fått øvd godt til den i helga.

BADING

Søndagane er symjehallen open frå 15. 00 til 18.00 og slik var det i dag også. Mange hadde funne vegen inn i varmen og vatnet held 32 grader i helgane. I dag var det styreleiar i symjehallen Lars Inge Sæther som var badevakt, medan Marit Hole var billettvakt. Heile styret har tatt kurs som badevakter og vaktene i vekene og på søndagane går på omgang mellom styret i symjehallen og alt dette er dugnadsarbeid.

Billettvaktene på søndag er også dugnad.

Det var mange besøkande i symjehallen og nokre av dei vi snakka med hadde kombinert bading med ein tur på skeiser på Fetvatnet.

MØTE

I kveld kunne vi finne nokre mennesker gøymde inne på eit rom i kjellaren, kva i alle dagar var det?

Jau, det var nokre av dei som var svært aktive med Velledalsrevyen på slutten av 1970 / 80-talet, ei svært viktig inntektskjelde i samband med bygginga av grendahuset. Dei tok den tida initiativ til å skrive revy og Velledalsrevyen vart ein suksess. Tusenvis av mennesker fekk med seg desse flott revyane der ein vart kjnet med Plasse-Nils, Josefine , Syger, Baby-Ola og alle dei andre.

Kari, Sissel, Jan, Jan Ove, Jarle og Ã…ge

I samband med jubileumet til huset har festkomiteen spurt fint om dei kunne bida med litt program, og det ville dei, men det krevst planlegging og øving så det går med nokre kveldar no framover. Vi ynskjer dei lukke til!